Eksklusibong Website para sa Bagong Imigrante sa Lungsod ng Taipei, Pahayag sa Wikang Filipino

Nakatakdang isasagawa ng Opisina ng Distrito ng Beitou sa Lungsod ng Taipei sa Marso 28 (Biyernes) ang “Fuxinggang Art Therapy Class” para sa mga bagong imigrante. Malugod na inaanyayahang magrehistro at sumali ang mga bagong imigrante mula sa magkakaibang county at lungsod, miyembro ng pamilya ng bagong imigrante at mga tauhang nagsisilbi sa bagong imigrante!

Inanyayahan ang may mayaman na kaalaman sa visual arts at lokal na tagapaglektura mula sa Fuxinggang, magplano ng workshop sa paglikha at pagprinta ng maliit na ceramic plate. Sa pamamagitan ng sining, inaasahan na maaaring makipag-ugnayan ang mga bagong imigrante sa isa't isa, magbahagi ng kanilang mga karanasan at landas sa buhay, at ipahayag ang kanilang isip at emosyon sa likhang sining. Alinsunod sa pambansang patakaran, ipinapakilala ang konsepto ng "Pambansang Depensa para sa Sambayanan" upang matulungan ang bagong imigrante na makisama sa kapaligiran at mapabuti ang kakayahang umangkop.

Kwalipikasyon para sumali: Bagong imigrante, asawa ng bagong imigrante o miyembro ng pamilya; mga administratibong tauhan, guro, social worker, pinuno sa komunidad na nagsisilbi sa bagong imigrante.

Petsa: Marso 28 (Biyernes) 10:00 umaga hanggang 4:30 hapon, kabuuang 6 oras.

Lugar: Fuxinggang Art Classroom (Bldg. B, No. 49-7, Lane 40, Sec. 3,  Zhongyang N. Road, Distrito ng Beitou)

Magsisimula ang pagtanggap ng online rehistrasyon sa Marso 3 (Lunes) 10:00 umaga hanggang mapuno ang bilang ng tatanggapin. Para sa impormasyon sa pag-aaral, tingnan sa opisyal website ng Opisina ng Distrito ng Beitou （https://btdo.gov.taipei/）

Link sa rehistrasyon: https://iwnet.civil.taipei/NewImmigrants/

2025-02-20