Eksklusibong Website para sa Bagong Imigrante sa Lungsod ng Taipei, Pahayag sa Wikang Filipino

    Bawat taon tuwing Hulyo 2 at tuwing Agosto 16, ginaganap ang tradisyonal na paligsahan ng mga kabayo sa Siena, Italy. Isinasagawa ang paligsahan sa Piazza del Campo. Pipili ng 10 distritong sasali sa paligsahan mula sa 17 distrito ng Siena. Magpapadala ng isang kumakatawan ang bawat distrito, isang mangangabayo na hindi gagamit ng saddle kaya nangangailangan ng kakaibang kakayahan. Kumakatawan din sa distrito ang kulay ng kanyang kasuotan. Sa Hulyo 2, tinatawag na Palio di Provenzano ang aktibidad bilang paggunita sa debosyon ni Santa Maria. Sa Agosto 16, tinatawag itong Palio dell’Assunta bilang pag-alala sa pagtaas ng Inang Birhen sa langit.

    Walang espesyal na racetrack sa paligsahan. Tatakbo ang kabayo sa labas ng plaza nang tatlong ikot at panalo ang unang kabayong makatapos nito. Maaaring lumaban sa isa’t isa ang mga taong nakasakay sa kabayo kaya’t may makikitang nahuhulog mula sa itaas ng kabayo at may makikitang kabayo na wala nang taong nakasakay. Ang nakakatuwa, panalo ang kabayong unang dumating sa lugar ng pagtatapos, hindi mahalaga kung may taong nakasakay man o wala.