Eksklusibong Website para sa Bagong Imigrante sa Lungsod ng Taipei, Pahayag sa Wikang Filipino

May-akda: Yangming Senior High School Academic Affairs Direktor / Hu Chieh-Ming

Pagkagradweyt ng mag-aaral mula sa technical high school, maaari siyang magpatuloy ng pag-aaral sa 4 na taon na kolehiyo ng agham at teknolohiya o sa 2-taon na paaralang dalubhasa. Bachelor’s degree ang makukuha sa pagtapos ng pag-aaral sa 4 na taon na kolehiyo ng agham at teknolohiya at associate degree ang makukuha sa pagtapos ng pag-aaral sa 2-taon na paaralang dalubhasa.

Madami ang mapagpipiliang kursong aralin sa kolehiyo ng agham at teknolohiya -- makinarya, power generating machine, electric motor at electronics, electric motor at resources, kemikal, civil engineering at arkitektura, design, engineering at pamamahala, business management, kalinisan at nursing, pagkain, housekeeping at pangangalaga sa bata, home economics, agrikultura, dayuhang wika - Ingles, Nipponggo, hotel and restaurant, maritime, produktong karagatan, sining at telebisyon at iba pa, nababagay sa pangangailangan sa pag-aaral at pagsulong sa kinabukasan ng mag-aaral.

Aktibo ring nakikisama at nagtutulungan ang mga kolehiyo ng agham at teknolohiya sa mga industriya, nagsasagawa at nagtutulungan sa pagplano ng espesyal na klase, nagsasagawa ng training at pagsasanay sa mga klaseng ito, ipinagpapatuloy ang pagpapabuti sa teknolohiya at kakayahan ng mga taong nagtratrabaho at nagtuturo nito. Maaaring magkamit ng matatag at malalim na kakayahang propesyonal ang mag-aaral mula sa mga training na isinasagawa.