Eksklusibong Website para sa Bagong Imigrante sa Lungsod ng Taipei, Pahayag sa Wikang Filipino

Ang Bhutan (opisyal na may ngalang Kingdom of Bhutan) ay matatagpuan sa bahaging silangan ng mga bundok ng Himalaya, isang mahiwagang kaharian sa mataas na bundok at tinatawag din na bansa ng thunder dragon. Taglay ang natatanging pilosopiya ng pamamahala na “Gross National Happiness” at may malalim na kulturang Tibetan Buddhist, itinuturing itong “Huling Shangrila ng Asya”.

Kapitolyo: Thimphu - Isa ito sa iilang kapitolyo sa mundo na walang anumang traffic lights.

Wika: Dzongkha, malawakang ginagamit rin ang wikang Ingles.

Salapi: Ngultrum (BTN), may katumbas na halaga sa Indian rupee.

Heograpiya: Kalapit ang Tsina sa hilaga, India sa timog. May matataas na lupain sa bahaging hilaga at mababa sa bahaging timog. Mas madaming matataas na bundok at malalim na bangin, halos 72% natatakpan ng mga gubat.

Katangian ng bansa

1. Paghahangad ng kaligayahan, hindi GDP

Kaunahang bansa sa buong mundo ang Bhutan na tumukoy sa Gross National Happiness (GNH). Hindi lamang paglago ng ekonomiya, mas inuuna ng pamahalaan ang proteksyon sa kapaligiran, pamana ng kultura at malusog na pag-iisip ng mga mamamayan. Bukod dito, ang Bhutan ang kaisa-isang bansa sa buong mundo na may 0-carbon emission (mas marami ang hinihingang carbon dioxide kaysa sa nire-release).

2. Ispiritwalidad at himala sa mataas na bangin

Tiger’s Nest: Pinakabanal na landmark sa Bhutan, nakabaon sa matarik na bangin sa may taas na 3120 metro, isang lugar na dapat mapuntahan ng bawat manlalakbay.

Dzong: Isang natatanging istraktura na pinagsasama ang mga tungkuling administratibo at pangrelihiyon. Katulad ng Punakha Dzong, kinikilalang pinakamagandang kastilyo sa Bhutan, matatagpuan sa lugar kung saan nagsama ang dalawang ilog. 

3. Tradisyonal na Kasuotan at Pamumuhay

Sa Bhutan, nagsusuot ang mga mamamayan ng tradisyonal na kasuotan (Gho sa lalaki, Kira sa babae) sa pormal na okasyon. May nakasarang patakaran ng bansa sa mahabang panahon, nagkaroon lamang ng telebisyon at internet sa taon 1999. Nananatili pa rin ang simple at mapayapang pamumuhay hanggang sa kasalukuyan.